Олмазор тумани, Чуқурсой маҳалласи, 165-ўрта таълим мактабига Ўрмон хўжалиги давлат қўмитаси ва Ўрмон хўжалиги илмий-тадқиқот институти ходимлари ҳамда ёш олимлар томонидан тарғибот-ташвиқот тадбири амалга оширилди.
Замонавий таълим тараққиётида пайдо бўлаётган инновацион ёндашув усуллари орқали кўчат экиш ҳамда уларни камида икки йил давомида парвариш қилиш йўл-йўриқлари кўрсатиб ўтилди.
Тарғибот ишлари дастурнинг қисқача мазмуни: мактаб ўқувчиларига ўсимлик ва ҳайвонларни муҳофаза қилиш ҳамда уларни асраш, сувни тежаш, табиатга қандай муносабатда бўлиш ва атроф-муҳит ифлосланишининг олдини олиш ва унга меҳр кўрсатишга чақирилди.
Шунингдек, ҳар бир дарахт турини экишдан олдин, ҳудудларнинг тупроқ-иқлим шароитини, дарахтларнинг биологик хусусиятларидан келиб чиққан ҳолда танловни амалга ошириш муҳим аҳамиятга эга эканлиги ҳақида тушунтиришлар олиб борилди.
