Сўнгги йилларда мамлакатимизда кўкаламзорлаштириш, дарахт ва буталарни муҳофаза қилиш ҳамда яшил майдонларни кенгайтириш борасида тизимли чоралар кўрилмоқда.
Қашқадарё вилояти Муборак тумани Гулобод маҳалласи ҳудудида яшил боғга ажратилган 1.5 гектар ер майдонини Ўрмон хўжалиги агентлиги ҳузуридаги Яшил ҳудуд давлат унитар корхонаси томонидан яшил боғга кўчат экиш, ер тайёрлаш ҳамда 2 кун давомида кўчат экиш учун чуқур ковлаш ишлари ҳам тугалланди.
Энди бу ҳудудга 5.6 схемада жами 560 дона манзарали кўчатлар экилади. Шундан, клён 140 та, ипак акация 140 та, каталпа 140 та ва японский софора 140 тани ташкил этмоқда.
Юртимизни экологик таҳдидларнинг салбий таъсиридан ҳимоя қилиш мақсадида барча ҳудудларда “Яшил макон” умуммиллий лойиҳаси тадбирлари мунтазам ташкил этилади.
