“Аспект 24” ахборот агентлигининг жорий йил 4 октябрь куни Ютуб платформасига жойлаган видеолавҳасида иддао қилинишача, Поп ихтисослаштирилган давлат ўрмон хўжалиги мутасаддилари Поп тумани Қўшминор МФЙ да яшовчи фуқаро Яҳёев Сарвархонга “e-auksion” платформаси орқали ютиб олган айни манзилдаги эмас, балки бошқа ҳудуддаги ер майдони берилган.
Маълумот ўрнида айтиб ўтадиган бўлсак, Ўзбекистон Республикаси Вазирлар Маҳкамасининг 2019 йил 13 декабрдаги 993 сонли қарорида “Давлат ўрмон фонди ер участкаларини ижарага бериш тартиби тўғрсида”ги қарорига асосан ўрмон ер майдонлари юридик ва жисмоний шахсларга электрон аукцион орқали узоқ муддатга ижара шартнома асосида берилиши кўзда тутилган.
Шунга кўра, Поп тумани Қўшминор МФЙ да яшовчи фуқаро С. Яҳёев томонидан 2022 йил 21 декабр куни электрон аукционга 21059-лот билан Поп ихтисослаштирилган давлат ўрмон хўжалиги Оқтепа бўлимининг 28 дала контуридан 0,52 гектар ер майдони қўйилган. Аукционда юқорида айтилганидек, фуқаро С. Яҳёев иштирок этган ва кўрсатилган манзилдаги ер майдонини ютиб олган. Хўжалик мутасаддилари фуқаро С. Яҳёев билан учрашиб айнан шу ер майдони ҳақиқатдан 21059-лот билан аукционга қўйилганлигини фактлар асосида тушунтириб берган.
Шунингдек, видеотасвирда ўрмон хўжалиги ҳудудидаги кесилган дарахтлар ва ҳовуз танқид остига олинган. Бу кесилган дарахтлар 3 туп терак бўлиб биологик муддати тугаганлиги сабабли Ўрмон хўжалиги агентлиги директорининг 2022 йил 23 сентябрдаги 165-сонли буйруғи 8-сон чиптасига асосан хўжаликнинг 64-сонли дала контиридан кесишлар амалга оширилган.
Маълумот учун: Ўзбекистон Республикаси Вазирлар Маҳкамасининг 1999 йил 22 ноябрдаги “Республика ўрмонларини ҳимоя қилиш бўйича айрим меъёрий ҳужжатларни тасдиқлаш тўғрисида”ги 506-сон қарори билан тасдиқланган Ўзбекистон Республикасида ўрмонни парвариш қилиш учун кесиш қоидалари тасдиқдиқланган.
Ушбу қоидага асосан, ўрмонни парвариш қилиш учун кесишга қарамоғида давлат ўрмон фонди бўлган вазирликлар, давлат қўмиталари ва идоралар томонидан рухсат берилади. Яъни, Ўрмон хўжалиги агентлиги тизимидаги ўрмон хўжаликларининг ўрмон фонди ерларида дарахтларни кесиш учун Агентликнинг тегишли ўрмонларни парваришлаш ва қайта тиклаш тўғрисидаги буйруғи асосида ўрмон кесиш чипталарини белгиланган тартибда расмийлаштирилгандан сўнг кесилади. Кўчат экиш мавсумида ўрнига янги ниҳоллар ўтқазилади. Сув ҳавзаси эса сизот сувларни бир жойга тўплаш, ерлар ботқоқ бўлишини олдини олиш мақсадида ковланган.
Tadbirkorga auksionda yutib olgan emas, boshqa joydan yer ajratilganmi?
“Аspekt 24” axborot agentligining joriy yil 4-oktyabr kuni You tube platformasiga joylagan videolavhasida iddao qilinishacha, Pop ixtisoslashtirilgan davlat oʼrmon xoʼjaligi mutasaddilari Pop tumani Qoʼshminor MFY da yashovchi fuqaro Yahyoyev Sarvarxonga “e-auksion” platformasi orqali yutib olgan ayni manzildagi emas, balki boshqa hududdagi yer maydoni berilgan.
Maʼlumot o‘rnida aytib o‘tadigan bo‘lsak, O‘zbekiston Respublikasi Vazirlar Mahkamasining 2019-yil 13-dekabrdagi 993-sonli qarorida “Davlat o‘rmon fondi yer uchastkalarini ijaraga berish tartibi to‘g‘rsida”gi qaroriga asosan o‘rmon yer maydonlari yuridik va jismoniy shaxslarga elektron auksion orqali uzoq muddatga ijara shartnoma asosida berilishi ko‘zda tutilgan.
Shunga ko‘ra, Pop tumani Qo‘shminor MFY da yashovchi fuqaro S. Yahyoyev tomonidan 2022-yil 21-dekabr kuni elektron auksionga 21059-lot bilan Pop ixtisoslashtirilgan davlat o‘rmon xo‘jaligi Oqtepa bo‘limining 28-dala konturidan 0,52 gektar yer maydoni qo‘yilgan. Аuksionda yuqorida aytilganidek, fuqaro S. Yahyoyev ishtirok etgan va ko‘rsatilgan manzildagi yer maydonini yutib olgan. Xo‘jalik mutasaddilari fuqaro S. Yahyoev bilan uchrashib aynan shu yer maydoni haqiqatdan 21059-lot bilan auksionga qo‘yilganligini faktlar asosida tushuntirib bergan.
Shuningdek, videotasvirda o‘rmon xo‘jaligi hududidagi kesilgan daraxtlar va hovuz tanqid ostiga olingan. Bu kesilgan daraxtlar 3 tup terak bo‘lib biologik muddati tugaganligi sababli O‘rmon xo‘jaligi agentligi direktorining 2022-yil 23- sentyabrdagi 165-sonli buyrug‘i 8-son chiptasiga asosan xo‘jalikning 64-sonli dala kontiridan kesishlar amalga oshirilgan.
Maʼlumot uchun: O‘zbekiston Respublikasi Vazirlar Mahkamasining 1999-yil 22- noyabrdagi “Respublika o‘rmonlarini himoya qilish bo‘yicha ayrim meʼyoriy hujjatlarni tasdiqlash to‘g‘risida”gi 506-son qarori bilan tasdiqlangan O‘zbekiston Respublikasida o‘rmonni parvarish qilish uchun kesish qoidalari tasdiqdiqlangan. Ushbu qoidaga asosan, o‘rmonni parvarish qilish uchun kesishga qaramog‘ida davlat o‘rmon fondi bo‘lgan vazirliklar, davlat qo‘mitalari va idoralar tomonidan ruxsat beriladi. Yaʼni, O‘rmon xo‘jaligi agentligi tizimidagi o‘rmon xo‘jaliklarining o‘rmon fondi yerlarida daraxtlarni kesish uchun Аgentlikning tegishli o‘rmonlarni parvarishlash va qayta tiklash to‘g‘risidagi buyrug‘i asosida o‘rmon kesish chiptalarini belgilangan tartibda rasmiylashtirilgandan so‘ng kesiladi. Ko‘chat ekish mavsumida o‘rniga yangi nihollar o‘tqaziladi. Suv havzasi esa sizot suvlarni bir joyga to‘plash, yerlar botqoq bo‘lishini oldini olish maqsadida kovlangan.
