Вазирлар Маҳкамасининг тегишли фармойишига мувофиқ, 2023 йил 10 июль – 10 август кунлари республика ҳудудида “Ёнғин хавфсизлигини таъминлаш бўйича “Долзарб 30 кун” тадбири амалга оширилмоқда.
Юртимизда 10 июлдан 10 август кунига қадар ёнғин хавфсизлигини таъминлаш мақсадида бўлиб ўтаётган “Долзарб 30 кун”ойлиги муносабати билан Зомин миллий табиат боғида профилактик тадбир ташкил этилди.
Қайд этилишича, ўта муҳим, тоифаланган ва иқтисодиёт объектлари, ёниш-портлаш хавфи юқори ҳамда фавқулодда вазият юз бериш даражаси юқори бўлган бошқа объектлар, шунингдек, одамлар гавжум бўладиган жойларда ёнғин хавфсизлиги талабларига риоя қилиниши таъминланади.
Соҳа мутахассислари иштирок этган мазкур тадбирда ёнғинларнинг келиб чиқиш сабаблари ва ёнғин чиққанда ҳаракатланиш йўллари ва усуллари иштирокчиларга тушунтирилди ва ёнғинга қарши курашда ишлатиладиган асбоб-ускуналардан фойдаланиш қоидалари бўйича маълумот берилди. Ёнғинларни одини олиш ва унда ҳаракатланишга доир амалий машқлар кўрсатилди.
Дилрабо Бобоева Ўрмон хўжалиги агентлиги ахборот хизмати
