Маълумки, аллергиянинг асл сабаби иммунитетнинг генетик даражада бузилиши ҳисобланиб, у насл суради ёки фавқулодда пайдо бўлади. Шунингдек, аллергия касаллиги чанг-тўзон оқибатида ҳам пайдо бўлади.
Яшиллик оламини кенгайтириш, дарахтларни асраш бежизга инсон ҳаёти ва саломатлиги учун муҳим саналмайди.
Республика илмий ихтисослаштирилган аллергология маркази директори Илмира Разикованинг сўзларига кўра, буғдой ва соя ҳам баъзида аллергик реакцияларни келтириб чиқаради. Масалан, соя таркибини молекуляр даражада ўрганиш натижасида унинг таркибида Gly m 1, Gly m 5, Gly m 6 аллергенлари мавжудлиги аниқланди.
Цитрус мевалар, қулупнай ва ертут ҳам кўпроқ аллергия қўзғайди. Ёнғоққа аллергияси бўлганларнинг аксарияти эса ушбу мева дарахти чангига ҳам таъсирчан бўлади. Катталарда аллергия ривожланишига сабаб бўлувчи озиқ-овқат маҳсулотларидан биринчиси ерёнғоқдир. Бу маҳсулот кўп ҳолларда анафилактик реакцияни келтириб чиқаради. Ундан сўнг турли хил ёнғоқлар, кунжут, асал, шафтоли, узум, малина, сабзи, шоколад, кофе ва какао аллергия чиқарувчи маҳсулотлар рўйхатидан жой олган.
Дилрабо Бобоева Ўрмон хўжалиги агентлиги ахборот хизмати
