Обод юртнинг файзи, таровати ҳам ўзгача бўлади. Зотан, озодалик, поклик, саранжом ва саришталик юртимизнинг янада кўркам бўлишига замин яратади. Бунда халқимизнинг йиллар давомида шаклланган эзгу қадрияти – ҳашар муҳим ўрин тутади.
“Ҳашар – элга ярашар” деган мақол бежиз айтилмаган. Ҳашарда халқимизга хос бағрикенглик, ўзаро ҳамжиҳатлик, уюшқоқлик билан амалга оширилади. Шу муносабат билан Табиат ресурслари вазирлиги ҳузуридаги Ўрмон хўжалиги агентлиги ҳудудида ҳашар бўлиб ўтди. Ҳашарда барча ходимлар фаоллик кўрсатиб, Ўрмон хўжалиги агентлигининг ички ҳудуди, унинг ён атрофлари тозаланиб, дарахт кўчатлари оқланди, тозаланди, ҳудуд атрофидаги гуллар суғорилди, шунингдек, яна турли гуллар, дарахтлар экилди. Атрофдаги чиқиндилар олиб чиқилди.
