Давлат рамзлари
  • Ўзбек
  • English
  • Русский
  • Ўзбек
  • English
  • Русский

Орол денгизининг қуриган тубида яшил қопламалар кенгаяди

Мамлакатимизда экологик барқарорликни таъминлаш, айниқса, оролбўйи ҳудудида Орол денгизи ҳалокати оқибатида юзага келган экологик фожеалар таъсирини юмшатиш мақсадида мана бир неча йилдирки Орол денгизининг қуриган тубида яшил қопламалар барпо этиш бўйича кенг кўламли ишлар олиб борилмоқда.

Жорий йилда ҳам айни шу йўналишда катта мақсадлар режалаштирилган бўлиб, яшил қопламалар ҳудудини кенгайтириш бўйича ишлар бошланиш арафасида.

Ўзбекистон Экологик партияси Марказий Кенгаши Ижроия қўмитаси раиси ўринбосари Абдушукур Хамзаев Ўрмон хўжалиги агентлиги директори ўринбосари Ғолиб Қурбонов билан бирга Мўйноқ давлат ўрмон хўжалигида жамғарилган уруғлар, уларнинг ҳолати, зарурий техникаларнинг шайлиги билан танишди.

Шу билан бирга, Қорақалпоғистон Республикасидаги ёш олимлар томонидан яратилган, қуёш панели ёрдамида ишловчи саксовул уруғи экишга мўлжалланган янги қурилма ва унинг техник имкониятлари билан ҳам танишилди.