Давлат рамзлари

Коррупцияга қарши кураш, одоб-ахлоқ тушунчалари ва манфаатлар тўқнашуви

Коррупция бу — жамиятни турли йўллар билан исканжага оладиган даҳшатли иллатдир. Мазкур иллат демократия ва ҳуқуқ устуворлиги асосларига путур етказади, инсон ҳуқуқлари бузилишига олиб келади, бозорлар фаолиятига тўсқинлик қилади, ҳаёт сифатини ёмонлаштиради ва одамлар хавфсизлигига таҳдид соладиган уюшган жиноятчилик, терроризм ва бошқа ҳодисалар илдиз отиб, гуллаши учун шароит яратиб беради.
Таъкидлаб ўтиш ўринлики, ушбу зарарли ҳодиса катта ва кичик, бадавлат ва камбағал бўлишидан қатъий назар, барча мамлакатларда учрайди. Ушбу зарарли иллатни бартараф этиш бўйича жаҳон ҳамжамияти томонидан бир қатор самарали ишлар амалга оширилаётган бўлсада, ҳанузгача у бартараф этилмаяпти.
Биз қуйида коррупциянинг тарихий илдизларига ва унга қарши курашиш хусусида фикр юритмоқчимиз.
Коррупсия (лот. Corrumpere — бузмоқ) термини одатда мансабдор шахслар томонидан унга берилган мансаб ваколатлари ва ҳуқуқлардан ўзларининг шахсий манфаатларини кўзлаб қонунчилик ва аҳлоқ қоидаларига зид равишда фойдаланишини англатади.
Кўп ҳолларда бу атама сиёсий элитадаги бюрократик аппаратга қарата ишлатилади. Коррупция кўплаб давлатларнинг жиноят ва маъмурий қонунчилиги билан ҳуқуққа қарши ҳаракат сифатида таъқиб қилинади.

Ғаллаорол ихтисослашган давлат ўрмон хўжалиги ходимларига коррупцияга қарши кураш, одоб-ахлоқ тушунчалари ва манфаатлар тўқнашуви мавзуларида йиғилиш ўтказилди
Хўжалик ходимлари иштирокида ўтказилган йиғилишда туман адлия бошқармаси вакиллари ҳам қатнашиб, коррупциянинг салбий оқибатлари, жамият равнақи ва фаровонлигига вужудга келтирадиган тўсиқлар хусусида тушунчалар бериб ўтилди.
Шунингдек, Давлат фуқаролик хизматчисининг одоб-ахлоқ қоидалари, фаолиятда вужудга келадиган манфаатлар тўқнашуви ҳолатлари ҳамда уларни бартараф этиш юзасидан маълумотлар бериб ўтилди.