Давлат рамзлари

Дуккакли-дон экинларнинг ташқи муҳитга талабига асосланиб етиштириш технологияси тўғри қўлланилиши лозим

Маълумотларга кўра, ер юзида дон-дуккакли ўсимликлар 135 мл гектар ерга экилади. Мамлакатимизда суғориладиган ерларида асосан дўккакли такрорий экин сифатида ўсимликлардан ловия,соя мош, лалми ерларда нўхот етиштирилади.

Андижон давлат ўрмон хўжалигида етиштирилаётган мош экинини ўриш ишларини самарали ташкил этиш бўйича амалий семинар ташкил этилди.

Мутахассисларнинг сўзларига кўра, дуккакли экинлар нам севар, уруғини бўртиши учун 100-120 % сув сарфлайди. Ўсув даврида сувга бўлган талаби шоналаш, гуллаш даврларида ошади.Ёруғликга бўлган талаби бўйича бу экинлар икки гуруҳга бўлиниб қисқа ва узун кунли ўсимликларга бўлинади.Донли экинларга нисбатан озиқага талабчан. Дуккакли-дон экинларнинг ташқи муҳитга талабига асосланиб етиштириш технологияси тўғри қўлланилади.

Семинарда етиштирилган мош экинини нес нобуд қилмасдан агротехникалар тўғри қўллаган холда йиғиштириб олиш масалаларига алоҳида тўхталиб ўтилди.

Қайд этилишича, дуккаклик мош экини ўриб олингандан сўнг бўшаган майдонларда буғдой экинига ер тайёрлаш ва экиш ишлари амалга оширилади.

Ўрмон хўжалиги Давлат қўмитаси Ахборот хизмати бўйича мутахассис Дилрабо Бобоева