Терак куяси (Lithocolletis populifoliella)-кичик ҳажмдаги капалак бўлиб, фақатгина устки қанотлари лопасцимон шаклда,кулранг ҳамда жигарранг тусдаги тартибсиз жойлашган доғлари мавжуд. Бундан ташқари тўртбурчак шаклидаги оқ доғлари бор остки қанотлари ингичка, бир хил оч кулранг қўнғир рангда.
Қанотларининг характерли хусусиятларидан устки қанотининг орқа томони ва остки қанотлари бутунлай момиқ туклар билан қопланган.Терак хавол хосил қилувчи олачипор куяси жуда кичик бўлиб, қанотларини ёзганда 1 мм дан ошмайди. Тухумларини дарахт ва буталар баргларининг пастк қисмига, одатда 32 тагача қилиб қўяди. Тухуми овал шаклда, буришган, диаметри тахминан 0,3 мм.
Личинкалари ҳам кичик, узунлиги 5 мм гача, асосан оч сарғиш рангда. Ғумбаги оч жигарранг, узунлиги 4 мм атрофида. Тўлиқ ривожланиш цикли 2,5-3 ойга тўғри келади.
Терак куяси теракнинг Канада туридан бошқа барча турларига зарар етказади. Бу куя бошқа дарахт турларида ҳам кўпайиши мумкин, фақатгина теракларга яқин жойлашган бўлса, акс ҳолда тухумдан чиққан личинкалар нобуд бўлади. Фақатгина имаго ҳолида қишловга кетади. Бу куянинг қишловдан чиқиши тераклардаги биринчи барглар пайдо бўлиши даврига тўғри келади.
