Хусусан, жорий йил 12-13 апрел кунлари Туркиялик эксперт Ахмет Ялвач Қўмитанинг тегишли ходимлари билан биргаликда Жиззах вилояти Зомин туманида бўлиб, давлат ўрмон хўжалиги ва миллий табиат боғи ҳудудларида ўрмон барпо қилиш имкониятлари жойида кўриб чиқилди. Бунда асосан дарахт турларини илмий асосда танлашга, мавжуд ўрмонларни муҳофаза қилишга, манзарали кўчатхоналарни ташкил этиш ва уруғчиликка алоҳида эътибор қаратилди. Ушбу ўрмончиликка оид дастлабки тадбирларни бажариш тартиби шу жойнинг ўзида муҳокама қилинди ва лойиҳа асосида амалга ошириш режалаштирилди.
