Бекобод шаҳар ўрмон хўжалигида 30 йил ишлаган фуқаро айни пайтда яшаб турган уйидан чиқариб юборилаётгани юзасидан мурожаат қилган.
Ўрганиш жараёнида Бекобод давлат ўрмон хўжалиги Ширинсой ўрмон бўлими 19 квартал ўрмон фонди ер майдонида 2 та ўрмончилар хизмат уйи жойлашган. Бугунги кунда ушбу хизмат уйининг бирида хўжалик ишчиси А.Аманов оила аъзолари билан бошқасида хўжалик собиқ ишчиси Г.Сайдалиева оила аьзолари билан биргаликда яшаб келмоқда.
Хўжалик томонидан бир неча бор ўрмончилар уйини бўшатиб қўйиш тўғрисидаги ёзма ва оғзаки огохлантиришларга қарамай бугунги кунга қадар фуқаролар томонидан бошқа яшаш уйлари йўқлиги рўкач қилинган ҳолда ўрмончилар уйи бўшатилмай қолмоқда.
Ушбу уй-жойлар хизмат уйлари ҳисобланиши, бу турдаги уй-жойларни амалдаги қонунчиликга асосан хусусийлаштириб бўлмаслиги тўғрисида хўжалик томонидан тегишли хулоса ва жавоб хатлари берилган.
Ўрмон хўжалиги давлат қўмитаси
