Жорий йилнинг 24 июнь куни “Ўрмонқурилиш» давлат унитар корхонаси мажлислар залида Ўрмон хўжалиги давлат қўмитаси ва “Maxar Technologies” компанияси вакиллари билан учрашув бўлиб ўтди.
Учрашув Ўрмон хўжалиги давлат қўмитаси, “Ўзбеккосмос” агентлиги ҳамда “Maxar Technologies” компанияси вакиллари томонидан ўрмон фонди ерларни фазовий суратлардан фойдаланган ҳолда инвентаризация қилиш ва фазовий суратлар ёрдамида янги комплекс ёндашувларни қўллаш, соҳадаги фаолият самарадорлигини ошириш усуллари ҳамда ушбу йўналишида ҳамкорликни йўлга қўйиш масалаларига бағишланди.
Шунингдек, “Maxar Technologies” компанияси томонидан таклиф этилаётган космик суратларнинг таърифи ҳақида атрофлича ўрганилиб, ҳар икки давлат вакиллари томондан ушбу йўналишдаги муҳим масалалар тўғрисида суҳбатлашилди.
Учрашув сўнгида пилот лоийҳаси давомида ўрмон фонди ерларини космик суратлари “Maxar Technologies” компанияси томонидан тақдим этилиши белгилаб олинди.
