Бугун 11 май куни Ўрмон хўжалиги илмий-тадқиқот институтида тажриба станциялар, илмий муассаса ва ҳудудий уруғчилик лабораториялари раҳбарлари иштирокида ZOOM платформаси орқали йиғилиш ўтказилди.
Йиғилишда қўмита раҳбарияти томонидан берилган топшириқлар ижроси, ҳолати таҳлилий-танқидий баҳоланди. Танқидий таҳлил, қатъий тартиб-интизом ва шахсий жавобгарлик – ҳар бир раҳбар фаолиятининг кундалик қоидаси бўлиши керак. Сусткашликка йўл қўйган мутасадди ходимларнинг масъулиятини ошириш юзасидан зарур чоралар кўрилди.
Хусусан, янги режимда ишлаш, яхши натижаларга эришиш бўйича аниқ чора-тадбирлар белгиланиши лозимлиги уқтирилди.
Орқада қолаётган хўжалик субъектлари раҳбарлари билан ҳар ҳафта гаплашиш, уларга илмий ёрдам бериш учун Ўрмон хўжалиги илмий-тадқиқот институти малакали мутахассисларини доимий бириктириш масалалари кўриб чиқилди. Ўрмон уруғчилигини ривожлантириш бўйича ҳам қатор чора-тадбирлар белгиланди.
