Ўрмон уруғчилиги соҳасида мавжуд муаммолар ечимига қаратилган амалий ва инновацион лойиҳалар ишлаб чиқилиб, Инновацион ривожланиш вазирлигига тақдим этилди Ўзбекистон Республикаси Президентининг 2021 йил 21 январдаги “Ўрмон хўжалиги соҳасида илм-фанни ривожлантириш ва илмий-тадқиқот ишларини рағбатлантириш чора-тадбирлари тўғрисида” ПҚ-4960-сон қарори қабул қилиниб, қарор билан Ўрмон хўжалиги давлат қўмитаси тизимидаги Ўрмон ва доривор ўсимликлар уруғчилигини таҳлил қилиш маркази тугатилиб, Ўрмон хўжалиги илмий-тадқиқот институти таркибига ўтказилди.
Мазкур қарорнинг 2-бандига асосан Ўрмон хўжалиги илмий-тадқиқот институти тугатилаётган Ўрмон ва доривор ўсимликлар уруғчилигини таҳлил қилиш марказининг ҳуқуқлари, мажбуриятлари ва шартномалари бўйича ҳуқуқий вориси ҳисобланиши белгилаб қўйилди.
Ўрмон хўжалиги илмий-тадқиқот институтига ўрмон уруғчилигини ривожлантириш бўйича вазифалар белгиланди.
